ललितपुरको प्युटारमा आगलागी

ललितपुर – ललितपुरको बाग्मती गाउँपालिका ४ प्युटारमा ग्यास लिक भएर आगलागी भएको छ । प्युटारको खयरघारीस्थित स्थानीय केशव प्रसाद सापकोटाको घरमा खाना बनाउन लाग्दा सिलिन्डर ग्यास लिक भएर आगलागी भएको स्थानीय सन्तोष लोप्चनले बताए ।

यद्यपि घटनाबाट कुनै पनि क्षति भएको छैन । घटनालगत्तै सबै स्थानीयको सहयोगमा आगो निभाईएको र ठूलो दुर्घटना हुनबाट जोगिन सफल भएको लोप्चनले बताए ।