रुखको हाँगामा अड्किएको अवस्थामा महिलाको शव फेला

कैलाली, २८ जेठ । कैलालीको टीकापुर नगरपालिका २ स्थित कर्णाली नदीको सनकट्टी घाटमा सोमबार एक महिलाको शव फेला परेको छ । नदी किनारमा रुखको हाँगामा अड्किएको महिलाको शव भेटिएको ईलाका प्रहरी कार्यालय टीकापुरले जनााएको छ ।

फेला परेको महिलाको शव करिव ४५ वर्षीय महिलाको वेवारिसे शव रहेको प्रहरीले जनाएको छ । शवको प्रकृति हेर्दा मृत्यु भएको धेरै दिन भएकाले पहिचान गर्न कठिन हुने प्रहरीको भनाइ छ । शव टीकापुर अस्पतालमा राखिएको छ ।