४५ दिने हाते कटाई तालिम हेटौडामा सकियो

हेटौँडा– मकवानपुर हस्तकला संघको आयोजानमा ४५ दिने हाते कटाई तालिमको बुधबार सम्पन्न भएको छ । हेटौंडा उपमहानगरपालिका र मकवानपुर उद्योग बाणिज्य संघको सहकार्यक्रमा भएको कार्यक्रममा संघका अध्यक्ष ज्ञानभक्त लामाको सभाध्यक्षतामा भएको तथा हेटौँडा उपमहानगरपालिकाका मेयर हरिबहादुर महतको प्रमुख आतिथ्यता भएको थियो ।

कार्यक्रमका प्रमुख अतिथी मेयर हरिबहादुरमहतले तालिममा सिकेको सिपलाई ब्यबहारमा उतार्नका लागि आग्रह गरेका थिए । धेरै पैसा लगानी हुने तर आयमुलक काम कहिले पनि नहुने अवस्था रहेको समयमा पनि मकवानपुर हस्तकला संघले आयोजना गरेको सिप मुलक तालिमबाट आफु प्रभावित भएको बताए ।

कार्यक्रममा बोल्दै विशेष अतिथिका रुपमा मकवानपुर उद्योग वाणिज्य संघका अध्यक्ष कृष्ण कटुवाल तथा ग्यासिका कपडा उद्योग प्रालिका प्रमुख बासु कार्कीले पनि आफुहरुले सक्दो सहयोग गर्ने प्रतिवद्धत्ता जनाए । गत बैशाखदेखि सुरु भएको ४५ दिने तालिममा २० जनाभन्दा बढी महिलाहरुको सहभागिता रहेको थियो ।