धादिङमा बस दुर्घटना हुदा १ जना मृत्यु, १४ जना घाईते

थाक्रे – धादिङको थाक्रे गाउँपालिका १ खयरघारीमा भएको दुर्घटनामा १ जनाको मृत्यु भएको छ । घटनामा अन्य १४ जना घाईते भएका छन् । काठमाण्डौबाट केरुङ तर्फ जादै गरेको ना ५ ख ८०६८ नम्बरको कन्टेनर र सुनौलीबाट काठमाडौंतर्फ आउँदै गरेको बा १ प १३६३ नम्बरको बस एक आपसमा ठोक्किँदा बस महेश खोलामा खसेको हो ।

घटनामा मृत्यु हुनेमा बस चालक लम्जुङ घर भएको वर्ष २८२९ का हरि न्यौपाने रहेको जिल्ला प्रहरी कार्यालय धादिङले जनाएको छ । शब पोष्ट मार्टमको लागी प्राथमिक स्वास्थ्य केन्द्र गजुरीमा राखिएको प्रहरीले जनाएको छ ।

घाईतेहरु मध्ये ८ जना गम्भिर घाईतेलाई काठमाण्डौ रिफर गरिएको छ । ४ जना सिम्ले स्थित स्थानिय मेडिकलमा उपचार भईरहेको छ । २ जना महादेववेशी स्थित मेडिकलमा उपचार भईरहेको जस मध्ये १ जना मध्यम‚ १ जना सामान्य‚ सिम्ले स्थित मेडिकलमा उपचार पश्चात १ जना सामान्य घाईते डिस्चार्ज भईसकेको प्रहरीले जनाएको छ ।