नेपाली काँग्रेस परित्याग गरि २५ जना भन्दा बढी नेकपामा प्रवेश

हेटौडा – नेपाली काँग्रेस पार्टी परित्याग गरि २५ जना भन्दा बढी युवाहरू नेपाल कम्युनिस्ट पार्टी (नेकपा) मा प्रवेश गरेका छन् ।

शनिबार मकवानपुरको हेटौंडा उपमहानगरपालिका वडा नम्बर १२ रमन्टारमा एक कार्यक्रमकाबिच काङ्ग्रेस परित्याग गरि नेकपामा प्रवेश गरेको वडा नम्बर १२ का अध्यक्ष एबम नेकपाका नेता ललित घलानले जानकारी दिए ।

काङ्ग्रेस परित्याग गरि दिपक सिन्तान, भक्तबहादुर घलान, चन्द्रबहादुर मुक्तान लगायतका कार्यकर्ताहरु नेकपामा प्रवेश गरेका हुन् । नेपाली काँग्रेस पार्टी परित्याग गरेका २५ जनाभन्दाबढी युवाहरूलाई घलान सहित नेकपाका नेताहरुले नेकपामा स्वागत गरेका थिए ।

नेकपामा प्रवेश गरेकोमा स्वागत तथा बधाई दिदै अध्यक्ष घलानले सामजिक सञ्जाल मार्फत खुशी व्यक्त गरेका छन् ।