कामदारकाे स्वास्थ्य परीक्षणका लागि १२६ संस्थाको आवेदन

काठमाडौं । मलेसिया जाने नेपाली कामदारहरुकाे स्वास्थ्य परीक्षणका लागि सूचीकृत हुन १२६ स्वास्थ्य संस्थाले आवेदन दिएका छन् । श्रम, रोजगार तथा सामाजिक सुरक्षा मन्त्रालय स्राेतले जनाए अनुसार आवेदन दिने अन्तिम दिन आइतबारसम्म १२६ वटा संस्थाले मापदण्ड पूरा गरेकाे दाबीका साथ सूचीकृत हुन आवेदन दिएका हुन् । ती मध्ये मन्त्रालयले आवश्यक मापदण्ड पूरा भए/नभएकाे पत्ता लगाई अन्तिम स्वीकृतिका लागि संस्था गर्ने बताइएकाे छ ।

मलेसिया जाने कामदारकाे स्वास्थ्य परीक्षणका लागि सूचीकृत हुन चाहने स्वास्थ्य संस्थाहरुले अत्याधुनिक एक्सरे मेसिन, डिजिटल रेडियोग्राफी प्रविधि, एक्सरे रिपोटिङ रुम र रेडियोलोजिस्ट, प्याथोलोजिस्ट, मेडिकल ल्याब टेक्नोलोजिस्ट, मेडिकल ल्याब टेक्निसियन, रेडियोग्राफर लगातयतका भौतिक एवं मानव संसाधन मापदण्ड पूरा गरेकाे हुनुपर्ने उल्लेख छ ।

ती संस्थाहरुसँग केमिकल एण्ड रिएजेन्ट डिपार्टमेन्ट अन्तर्गत प्रेग्नेन्सी परीक्षण, मृगौला परीक्षण, एचआइभी परीक्षण, ब्लडग्रुप र अन्य १४ प्रकारका परीक्षण तथा प्याथोलोजी डिपार्टमेन्ट अन्तरगत माइक्रोसप मेसिन, हट एअर ओभन, पूर्ण स्वाचालित इलिसा रिडर, बायोकेमेट्रि एनालाइजर, युरिन एनालाइजरलगायत १७ प्रकारका उपकरण अनिवार्य हुनुपर्ने मापदण्ड ताेकिएकाे छ ।

मलेसियासँग नयाँ राेजगार सहमति भएसँगै अब मापदण्ड पूरा गरेका जुनसुकै संस्थाले समेत कामदारकाे स्वास्थ्य परीक्षण गर्न पाउने भएका छन्