मनहरीमा जारी दोस्रो वडाअध्यक्ष कपमा आयोजक सहित चार टोल विकास संस्था सेमीफाइनलमा प्रवेश
तामसालिङ खबर
कार्तिक, हेटौडा (मनहरी) – मनहरी ५ को राप्ति खेल मैदान बसन्तपुरमा जारी दोस्रो वडाअध्यक्ष कप नकाउट फुटबल प्रतियोगितामा आज चार खेल भएको छ। आयोजक सूर्यकिरण युवा क्लब सहित बसन्तपुर टोल विकास संस्था, शिखर टोल बिकास संस्था ‘ए’, ऋषेश्वर टोल बिकास संस्था ‘ए’ सेमीफाइनलमा प्रवेश गरेका छन् ।
बुधबार भएको पहिलो खेलमा शिखर टोल विकास संस्था ‘बि’ लाई २-१ गोलअन्तरले हराउदै बसन्तपुर टोल विकास संस्था सेमीफाइनलमा प्रवेश भएको छ। त्यस्तै, दोस्रो खेलमा चुरियामाई टोल बिकास संस्था ‘बि’ लाई ३-० गोल अन्तरले हराउदै शिखर टोल बिकास संस्था ‘ए’ र तेस्रो खेलमा ऋषेश्वर टोल बिकास संस्था ‘बि’ लाई ५-० गोलको फराकिलो अन्तरले हराउदै आयोजक सूर्य किरण युबा क्लब सेमीफाइनलमा प्रवेश गरेका छन्।
त्यस्तै, मंगलबार बराबरमा रोकिएको चुरियामाई टोल बिकास संस्था ‘ए’ लाई पेनाल्टी सुटआउट मार्फत ४-१ गोल अन्तरले हराउदै ऋषेश्वर टोल बिकास संस्था ‘ए’ बिजयी भई सेमीफाइनलमा पुगेको छ ।
सुर्य किरण युवा क्लबको आयोजना तथा ५ नम्बर वडा स्तरिय खेलकुद बिकास समितिको समन्वयमा टोल स्तरिय दोस्रो वडा अध्यक्ष कप नकआउट फुटबल प्रतियोगितामा आयोजक सहित पाँच टोल विकास संस्थाबाट ९ टिम सहभागी रहेको छ।
यो पनि पढ्नुहोस्
