माओवादीकै नेतृत्वमा ब्यवस्था परिवर्तन भएको हो : मोक्तान
राज कुमार के.सी.
कार्तिक, हेटौडा (थाहा नगर) – माओबादी आन्दोलनसंगै लामो संघर्षबाट राज्य ब्यवस्थामा परिवर्तन आएको नेकपा (माओबादी केन्द्र) की केन्द्रिय सदस्य एवम् मकवानपुर ईञ्चार्ज कुमारी मोक्तानले बताउनुभयो ।
आईतबार नेकपा (माओबादी केन्द्र) जनतासंग माओवादी बिशेष रुपान्तरण अभियान अन्तर्गत भएको थाहा नगरपालिका वडा नम्बर ५ को सम्मेलनलाई संबोधन गर्दै मोक्तानले परिवर्तन पश्चात् प्राप्त उपलब्धिलाई संस्थागत गर्न पनि माओबादीको महत्त्वपूर्ण भुमिका हुने बताउनुभयो ।
बागमती प्रदेश सरकारको सामाजिक बिकास मन्त्री समेत रहनुभएको मोक्तानले जनभावना अनुसारको बिकासका लागि गुरुयोजना सहितको योजना बनाउन आग्रह गर्नुभयो । उहाँले थाहानगरको बिकासको लागि आफु प्रतिबद्ध भएको बताउनुभयो ।
यसैबिच सम्मेलनले थाहा नगरपालिका वडा नम्बर ५ मा निमेष महर्जनको अध्यक्षतामा २९ सदस्यीय वडा कमिटी समेत चयन गरेको छ।
कमिटिको उपाध्यक्षहरुमा अजय गुरुङ, बिरमान थिङ र रहरबहादुर घलान, सचिवमा श्रीकृष्ण लामा, सहसचिवमा विक्रम थिङ र कोषाध्यक्षमा रघुनाथ वाइबा चयन भएका छन् ।
माओवादी केन्द्र वडा न ५ का अध्यक्ष जगन्नाथ वाइवाको सभाध्यक्षतामा सम्पन्न सम्मेलनमा माओवादी केन्द्रका उपत्यका बिशेष कमिटीका उपाध्यक्ष तथा ३ महिने अभियान अन्तरगत थाहानगर कमान्डर प्रकाश चन्द्र पाण्डेको बिशेष आतिथ्यता रहेको थियो ।
त्यस्तै सम्मेलनमा माओवादी केन्द्र बागमती प्रदेश कमिटि सदस्य इन्द्रबहादुर श्रेष्ठ, थाहा नगर अध्यक्ष बिनोदकुमार लामा, अभियानका वडा नम्बर ५ का कमान्डर अरुण रायमाझी, वाइसिएल थाहा नगर अध्यक्ष मानसिंह दोङ लगायतका माओवादी नेता तथा कार्यकर्ता हरुको उपस्थिति रहेको थियो।
यो पनि पढ्नुहोस्
