हाजिरी जवाफमा हरियाली बाल क्लब प्रथम

जेठ, हेटौडा (मनहरी) – विश्व बालश्रम बिरुद्धको दिवसको अवसरमा सोमबार मनहरी ५ मा भएको हाजिरी जवाफ प्रतियोगितामा हरियाली बाल क्लब प्रथम भएका छन्। त्यस्तै, जागृति बाल क्लब द्धितिय, लालीगुराँस बाल क्लब तृतिय भएका छन।

वडा स्तरिय बाल क्लबको आयोजनामा तथा मनहरी गाउपालिका वडा नं ५ को समन्वयमा आयोजित ‘टोल स्तरिय हाजिरी जबाफ प्रतियोगिता’मा ५ वटा टिम सहभागी थियो।

वडा स्तरिय बाल क्लबको अध्यक्ष बिप्सरा थापाको सभाध्यक्षतामा भएको कार्यक्रममा मनहरी गाउँपालिका ५ का वडा अध्यक्ष दिपेन्द्र अधिकारीको प्रमुख आतिथ्यतामा भएको थियो। कार्यक्रममा वडा सचिब बिदुर पाठक, वडा सदस्यहरु, टोल बिकास संस्थाका प्रतिनिधिहरुको आतिथ्यता रहेको थियो।