रौतहट र सिन्धुलीमा ३ सय ९० जनाको नि:शुल्क आँखा परिक्षण
तामसालिङ खबर
फाल्गुन, हेटौडा – रोटरी क्लब अफ काठमाडौं मिडटाउन र रोटरी क्लब अफ मकवानपुरको संयुक्त आयोजना मंगलबारबाट शुरु भएको निशुल्क आँखा शिविरमा ३ सय ९० जनाको नि:शुल्क आँखा परिक्षण गरिएको छ ।
मंगलबार रौतहटको फतुवा विजयपुर गाउँपालिका वडा नम्बर ११ स्थित हिमाली बासमा भएको आँखा शिविरमा २ सय ४८ जनाको आँखा परिक्षण गरिएको रोटरी क्लब अफ मकवानपुरका अध्यक्ष कृष्णबहादुर कार्कीले बताए । जसमध्ये ४८ जना मोतिबिन्दुका बिरामी भेटिएका छन् ।
त्यसैगरी, सिन्धुली जिल्लाको हरिहरपुर गाउँपालिका वडा नम्बर ७ क्यानेश्वरमा १ सय ४२ जनाको परिक्षण गर्दा २५ जना मोतिबिन्दुका बिरामी भेटिएको कार्यक्रम संयोजक अन्जनीकुमार पराजुलीले जानकारी दिए ।
आखा शिविरमा हेटौंडा आँखा अस्पतालले प्राविधिक सहयोग गरेको छ । मोतिबिन्दुका बिरामीहरुको फागुन १९ गते शुक्रबार हेटौंडा आँखा अस्पतालमा निशुल्क शल्यक्रिया हुने संयोजक पराजुलीले बताए ।
पराजुलीका अनुसार बुधबार सर्लाही जिल्लाको ईश्वरपुर नगरपालिका वडा नम्बर ५, रानिगन्ज र सिन्धुली जिल्लाको हरिहरपुर गाउँपालिका वडा नम्बर ३ पिपलमाडीमा, १८ गते मकवानपुरको कैलाश गाउँपालिकाको नामटार र चन्द्रपुर नगरपालिकाको रौतहटमा हुने आयोजकले जनाएको छ।
यो पनि पढ्नुहोस्
