अधिकारीलाई मनमाया स्मृति गजल पुरस्कार
तामसालिङ खबर
फाल्गुन, हेटौंडा – मनमाया स्मृति गजल पुरस्कारबाट उषाकिरण अधिकारी पुरस्कृत भएकी छिन् । उनी हेटौंडा स्कूल अफ म्यानेजमेन्ट एण्ड सोसियल साइन्सेस कक्षा १२ मा अध्ययनरत छात्रा हुन् । शनिबार गजल मञ्च मकवानपुरले आयोजना गरेको माध्यमिक तह (कक्षा ९–१२) स्तरीय गजल प्रतियोगितामा प्रथम भई अधिकारीले पुरस्कार प्राप्त गरेकी थिइन् ।
गजल मञ्चले हरेक महिनाको पहिलो शनिबार नियमित गजल यात्रा गर्दै आइरहेको छ । सोही अवसरमा १९९ औं गजल यात्रामा अधिकारीलाई नगद ५ हजार रुपैयाँ राशिसहित पुरस्कृत गरिएको हो ।
पहिलो चरणमा सहभागी १८ जना मध्ये १० जनालाई मात्र गजल वाचनका लागि बोलाइएको थियो । गजल मञ्च मकवानपुरका पूर्व अध्यक्ष दीपक गौतमले स्वर्गीय हजुरआमा मनमाया गौतमको स्मृतिमा २०६९ सालमा उक्त पुरस्कारको स्थापना गरेका थिए ।
गजल मञ्च मकवानपुरका अध्यक्ष केशव समर्पणको सभाध्यक्ष तथा सर्जक सञ्जाल मकवानपुरका संयोजक निमेष निखिलको प्रमुख आतिथ्यता रहेको थियो । प्रतियोगिताको निर्णायकको भूमिका गजलकार देवराज तिवारी र सुनिल गौतम रहेका थिए ।
यो पनि पढ्नुहोस्
