पोखरा विमान दुर्घटनाः ६० जनाको शव आफन्तलाई बुझाइयो

माघ, काठमाडौं – गत माघ १ गते पोखरामा भएको विमान दुर्घटनामा ज्यान गुमाएका मध्ये ६० जनाको शव सम्बन्धित आफन्तलाई बुझाएको यति एयरलाइन्सले जनाएको  छ ।

घटनास्थलबाट उद्धार गरेका ७० शवमध्ये काठमाडौं र पोखरामा गरी ६० जनाको शव बुझाएको एयरलाइन्सले विज्ञप्ति जारी गर्दै जनाएको छ ।
यसैगरी थप ४ जनाको शव पहिचान र सनाखत गरी बुझाउने प्रक्रियामा रहेको जनाइएको छ ।

६ जनाको शव भने धेरै डढेका कारण फरेन्सिक विधिबाट परीक्षण गर्न असम्भव भएपछि डीएनए परीक्षणको प्रक्रिया सुरु भएको र यसको लागि केही समय लाग्ने एयरलाइन्सले जनाएको छ ।