आस्था कला केन्द्रको आयोजनामा मनहरीमा दशैं धमाका बिशेष लाइभ कन्सर्ट हुने

असोज, हेटौडा (मनहरी) – नेपालीहरुको चाड बडा दशैको अवसरमा मनहरीमा दशैँ धमाका लाइभ कन्सर्ट हुने भएको छ।

आस्था कला केन्द्र मनहरीको आयोजनामा मनहरी गाउँपालिका वडा नम्बर ७ स्थित राई मार्केटमा यहि असोज १५ गते बडा दशैँ धमाका लाइभ कन्सर्ट हुने भएको हो।

कन्सर्टमा चर्चित गायक छेवाङ्ग लामा, सेलो गायक प्रकाश तितुङ लगायत मिलन परियार, सुरज कालाखेतीको सांगीतिक प्रस्तुति रहने प्रचारप्रसार संयोजक पुष्पराज थिङले जानकारी दिनु भयो ।

त्यस्तै, चर्चित डान्सरद्वय सरोज राना प्रजा, बिना राउत, ब्याण्ड च्याम्पियन नेपालको टप ६ मा पुगेका द इन्फेरियर ब्याण्डको बिशेष प्रस्तुति रहने प्रचारप्रसार संयोजक थिङले बताए। साथै आयोजक आस्था कला केन्द्रको बिशेष संस्कृतिक प्रस्तुति रहने छ।