पुराना नेताहरुको नेतृत्वले विकास सम्भव छैन – संयोजक कार्की
तामसालिङ खबर
पुष, हेटौंडा – नेपाल कम्युनिष्ट पार्टी (समाजवादी) का केन्द्रीय संयोजक राजु कार्कीले देशमा पुरानो नेताहरुको नेतृत्वले विकास सम्भव नरहेको बताएका छन् ।
हेटौंडामा शनिबार पत्रकार सम्मेलन गर्दै संयोजक कार्कीले देशमा पुरानो पार्टी र पुराना नेताहरुको नेतृत्वले जनताले चाहेको अनुसार कामहरु गर्न नसकेको बताए ।
संयोजक कार्कीले राज्यले नागरिकलाई दिनुपर्ने अधिकार दिन नसकेको भन्दै आफुहरु वैज्ञानिक समाजवादको लक्ष्य सहित पार्टी संगठित अभियानमा रहेको बताए । उनले आफ्नो पार्टी सत्तामा जाने लोभले नबनेको भन्दै जनताको हकहितको लागि काम गर्न बनेको बताए ।
उनले देश निमार्णको लागि युवाहरु नेतृत्वमा आउनुपर्ने बताए । उनले आफ्नो पार्टीमा युवाहरुको नेतृत्व र साथ रहेको समेत बताए । संयोजक कार्कीले हालसम्म ६३ जिल्लामा कमिटी गठन भएको बताए ।
उनले असार पार्टी गठन भएको पार्टी हालसम्म आइपुग्दा १ लाख संगठित सदस्य भईसकेको बताउँदै आगामी ५ वर्षमा ५ लाख सदस्य बनाउने लक्ष्य रहेको स्पष्ट पारे ।
पत्रकार सम्मेलनमा बागमती ईन्चार्ज ईन्द्र प्रसाद तिमल्सिना, सुदूर पश्चिम ईन्चार्ज नरेन्द्र जोशी केन्द्रीय कार्यलय सदस्य बालकृष्ण चौलागाई लगाएतको उपस्थिति रहेको थियो ।
कार्यक्रममा सेक्रेटरी दीप लामाको नेतृत्वमा ५१ सदस्सीय बागमती प्रदेश कमिटी घोषणा समेत गरिएको थियो ।
यो पनि पढ्नुहोस्
