मिङ्सको ‘डम्फुमा सेलो २’ रिलिज

मंसिर, काठमाडौं – नेपाली सांगीतिक क्षेत्रमा सुमधुर स्वरकी धनी गायिका मिङ्स लामाले ‘डम्फुमा सेलो’ को अपार सफलतापछि ‘डम्फुमा सेलो २ स्याजी होइ’ को म्युजिक भिडियो ल्याएकी छिन ।

नायक पल शाह र मोडेल सुमी मोक्तानलाई फिचरिङ गराइएको म्युजिक भिडियोमा क्याप्टेन तथा कलाकार बिजय लामाको सशक्त अभिनय रहेको छ । सेलो फ्युजनमा तयार पारिएको गीतमा गायक आशुसेन लामाको शब्द र संगीत रहेको छ ।

यो सामाग्री तयार पार्दाको समयमा ४ लाख ४२ हजारभन्दा बढी पटक हेरिएको छ । गीतमा २५ हजार लाईक र १ हजारभन्दा बढी कमेन्टहरु गरिएका छन् ।

म्युजिक भिडियोमा फणिन्द्र राईको एरेञ्ज तथा दिपेश प्रधानको मिक्सिङ, प्रमोद भण्डारीको कोरियोग्राफी र सह-निर्देशन लोमस पौडेल रहेको छ।

सागर प्रधानले खिचेको म्युजिक भिडियोलाई युवराज वाइबाले निर्देशन गरेका हुन् । विकास धमलाले सम्पादन, अष्ट महर्जनको एक्सन समेत रहेको भिडियोलाई सोनाम ब्लोन लामाले निर्माण गरेका हुन् । अहिले यो सामग्री तयार पार्दा सम्म म्युजिक भिडियो ट्रेण्डिङ्ग नम्बर ३२ मा रहेको छ ।

तामाङ सेलो संगीतमा छुट्टै पहिचान बनाउन सफल गायिका मिङ्स लामाको ‘नाचन च्याङ्बा नाचन, फनफनी घुमी कम्मर भाचन’ गीतको म्यूजिक भिडियो सहित बजार आएकी हुन् ।

भिडियो हेर्नुहोस् –