हेटौडामा चलचित्र ‘चोरपुलिस’ कार्तिक २५ गते बिशेष प्रदर्शन हुने
तामसालिङ खबर
कार्तिक, हेटौडा – शुभदिपवाली तथा छठ पर्वको अबसरमा नेपाली कथानक चलचित्र ‘चोरपुलिस’ हेटौडामा बिशेष प्रदर्शन हुने भएको छ । बुधबार पत्रकार सम्मेलन मार्फत हेटौडाको ओम म्याक्स हलमा यही कार्तिक २५ गतेका दिन बिशेष प्रदर्शन हुने भएको हो।
दिउसो १२ बजे र ३ बजे दुई सो गरि चलचित्र प्रदर्शन हुने निर्माता विकास लामा (अजय) ले बताउनु भयो । चलचित्रमा धिरेन शाक्य, राजेन्द्र खड्की, बुद्धि तामाङ (हैट), जयनन्द लामा, जयकिशन बस्नेत, जयन्ति बस्नेत, सोभित बस्नेत, सुसिल पोखरेल, रामचन्द्र अधिकारी, सुरबीर पण्डित, सुलेमान शंकर (इकु) लगायतका कलाकारहरुको मुख्य अभिनय रहेको छ ।
चलचित्रमा आर एल लामाको कथा तथा पटकथा, रामेश्वर हुमागाईको छायांकन, बिकास चौधरीको संगीत, राजु किरातीको द्वन्द, अजय स्याङ्तानको नृत्य निर्देशन, तारा थापा किम्भेको सम्पादन रहेको छ । आर सोनाम मुक्तान, लंका माया मुक्तानको निर्माणमा बनेको चलचित्रलाई आर एल लामाले निर्देशन गरेका हुन् ।
पहिलो पटक हेटौडाबाट बिशेष प्रदर्शन शुरु गरि चलचित्रलाई चाडै नै नियमित प्रदर्शनमा ल्याउने निर्माण युनिटले जनाएको छ ।
पत्रकार सम्मेलनमा चलचित्र निर्माता बिकास लामा (अजय), तामाङ सास्कृतिक घेदुङ मकवानपुरका अध्यक्ष शुक्र लामा (अजय), बिशेष प्रदर्शन युनिटका राजकुमार थिङ र तामाङ पत्रकार संघ मकवानपुरका अध्यक्ष जयराम मोक्तान लगायतकाको आतिथ्यता रहेको थियो ।
चलचित्र प्रदर्शन युनिटको टिकटका लागि नविन राना, जीवन लामा, सुदिप लामा, बुद्ध लामा र लाई सम्पर्क गर्न निर्माता विकास लामा (अजय) ले अनुरोध गरिएको छ।
ट्रेलर हेर्नुहोस् –
यो पनि पढ्नुहोस्
