ओम्याक्स हलमा असोज २५ गतेबाट सन्चालन हुने

असोज, हेटौडा – हेटौंडाको ओम्याक्स हल यही असोज २५ गतेबाट संचालन हुने भएको छ । कोरोना भाईरस (कोभिड १९) को जोखिमका कारण करिब २ वर्षदेखि बन्द रहेको हल असोजको २५ गतेबाट चल्ने भएको हो ।

पहिलो चरणको कोभिड १९ को माहामारीका कारण सिनेमा हल बन्द गरिएको र बीचमा कोभिडको संक्रमण कम भएसंगै हल खोलिएको थियो । हल खोले पनि कोरोनाको त्रासका कारण तथा फिल्म अभावका कारण दर्शकहरुको उपस्थिति नभएपछि आफूहरुले हल बन्द गर्नुपरेको
हलका प्रमुख दिनेश तिमल्सिनाले बताए ।

सरकारले हल संचालन गर्न पाउने निर्देशिका जारी गरेपछि तथा अहिले जिल्लामा कोभिडको जोखिम कम भएसंगै स्वास्थ्य मापदण्ड अपनाएर यही असोज २५ गतेदेखि हल संचालन गर्ने तयारी गरिएको उनले बताए ।