मकवानपुरगढीका महिलालाई पोषण आहार वितरण
तामसालिङ खबर
असोज, हेटौडा (मकवानपुर गढी) – सामाजिक क्षेत्रमा क्रियाशिल रहेको लायन्स क्लब अफ मकवानपुर हेडम्बाले पोशिलो आहार वितरण गरेको छ ।
एक कार्यक्रमको आयोजना गरि मकवानपुरगढी गाउँँपालिका वडा नम्बर ४ सयपत्रीका पिछडीएको क्षेत्रका गर्भवती महिलाहरुलाई पोशिलो आहार वितरण गरेका कार्यक्रम संयोजक लायन रबिन ढकालले बताउनु भयो ।
वडा नं.४ का वडा अध्यक्ष राम प्रसाद तिमल्सिनाको प्रमुख आथित्यता र लायन्स क्लव इन्टरनेष्नल ३२५ बि २ नेपालका यरिया २ का रिजन चेयर पर्सन लायन जेपि यादवको विशिष्ट अथित्यतामा सो पोशिलो आहार वितरण गरेको हो ।
संस्थाका अध्यक्ष रमिला घलानले गर्भमा र जन्मिएपछि बच्चा र आमाले पोषिलो खाना नपाउँदा मानसिक रुपमा कमजोर बच्चा जन्मिँदै आएकाले यस्तो कार्यक्रम आयोजना गरेको बताउनु भयो । आउँदा दिनमा विभिन्न जनचेताना देखि सहयोगका कार्यक्र संचालन गर्दै जाने उहाँको भनाई रहेको थियो ।
यो पनि पढ्नुहोस्
