दैनिक उपभोग्य वस्तुको अभाव हुँदैन – आपूर्ति विभाग
तामसालिङ खबर
बैशाख, काठमाण्डौ – वाणिज्य आपूर्ति तथा उपभोक्ता संरक्षण विभागले बजारमा दैनिक उपभोग्य वस्तुको अभाव नहुने बताएको छ ।विभागले दैनिक उपभोग्य वस्तुको अभाव हुने भनी भएका हल्लाको पछि नलाग्न तथा अनावश्यक सामान सञ्चित गरी नराख्न आग्रह गरेको छ ।
बजार अनुमगनको क्रममा दैनिक उपभोग्य वस्तुको मौज्दात पर्याप्त मात्रामा रहेको र खाद्यान्न सामग्री सहज रुपमा आपूर्ति भइरहने भएकाले अनावश्यक रुपमा किनेर नथुपार्न विभागले आग्रह गरेको हो ।
अहिलेको विषम परिस्थितिमा विभिन्न व्यक्ति तथा व्यवसायीहरुबाट अत्यावश्यक दैनिक उपभोग्य सामग्रीको कृत्रिम अभाव गराउने, भ्रामक सूचना सम्प्रेषण गर्ने, सामान लुकाउने लगायतका क्रियाकलाप बढेको पाइएकाले हल्लाको पछि नलाग्न विभागले सचेत गराएको छ ।
कसैले अनावश्यक भण्डारण गर्ने, सामान लुकाउने र कृत्रिम अभाव सिर्जना गरेको पाइएमा उपभोक्ता संरक्षण ऐन २०७५ अनुसार कारबाही गरिने पनि विभागले जनाएको छ ।
यो पनि पढ्नुहोस्
