एसईई परीक्षाको तालिका सार्वजनिक

तामसालिङ खबर
२६ फाल्गुन २०७७, बुधबार ०६:३९

फाल्गुन, काठमाडौं – राष्ट्रिय परीक्षा बोर्डले २०७७ सालको माध्यमिक शिक्षा परीक्षा (एसईई)को समय तालिका सार्वजनिक गरेको छ ।

एसईई परीक्षा आगामी जेठ १३ गतेदेखि २४ गते सम्म सन्चालन गर्ने निर्णय मंगलबार गरेको बोर्डले बुधबार परीक्षा तालिका समेत सार्वजनिक गरेको हो ।

जेठ १३ गते पहिलो दिन अनिवार्य अग्रेजी विषयको परीक्षा हुनेछ । सोही दिन वेद विद्याश्रमतर्फ अनिवार्य सस्कृत भाषा र साहित्य र अनिवार्य अँग्रेजी विषयको पनि परीक्षा हुने छ ।

जेठ १४ गते अनिवार्य नेपालीको परीक्षा हुने छ । जेठ १६ गते अनिवार्य गणित र जेठ १७ गते अनिवार्य विज्ञान विषयको परीक्षा हुने राष्ट्रिय परीक्षा बोर्डले जनाएको छ ।

जेठ १८ गते सामाजिक र जेठ १९ गते स्वास्थ्य, जनसंख्या तथा वातावरण शिक्षाको परीक्षा हुने छ । २० गते ऐच्छिक गणितको परीक्षा हुने छ । सो दिन ऐच्छिक पहिलो पत्रका सबै विषयहरुको परीक्षा हुने छ । परीक्षा बिहान ८ बजेदेखि ११ बजेसम्म सन्चालन हुने छ ।

एसईई परीक्षाको तालिका हेर्नुहोस् –

यसमा तपाइको मत

Your email address will not be published. Required fields are marked *


*