अर्काे साता देखि लाइसेन्स खुल्ने
पुस, काठमाडौं – कोभिड १९ को कारणले १० महिनादेखि ठप्प भएको सवारीचालक अनुमतिपत्र (लाइन्सेन्स) को लिखित तथा प्रयोगात्मक परीक्षा एक साताभित्रै खुल्ने भएको छ ।
यातायात व्यवस्था विभागले पुसको दोस्रो सातादेखि १० महिनादेखि ठप्प भएको सवारीचालक अनुमतिपत्रको लिखित तथा प्रयोगात्मक परीक्षा सुरु गर्न लागेको हो । यातायात व्यवस्था विभागका महानिर्देशक गोगनबहादुर हमालले पुसको दोस्रो सातादेखि लाइसेन्सको लिखित तथा प्रयोगात्मक परीक्षा सञ्चालन गर्न लागेको बताए ।
‘लाइसेन्सको लिखित तथा प्रयोगात्मक परीक्षा पुसको दोस्रो सातादेखि सुरु गर्ने तयारीमा जुटिसकेका छौं,’ उनले भने, ‘यातायात व्यवस्था कार्यालयलाई पुसको दोस्रो सातादेखि लाइसेन्सको लिखित तथा प्रयोगात्मक परीक्षा सञ्चालनको लागि आवश्यक तयारी गर्न अनुरोध गरिसकेका छौं ।’
महानिर्देशक हमालले विभागले सम्भवत् शुक्रबार मुलुकभर रहेका १७ वटा यातायात व्यवस्था कार्यालयलाई पत्राचार गरेर आगामी सातादेखि सञ्चालन गर्न अनुरोध गर्ने दावी गरे । ‘कोभिड १९को जोखिमको बावजुत आवश्यक स्वास्थ्य सतर्कता अपनाए लाइसेन्स सेवा दिन खोजेका हौं,’ उनले भने, कार्यालयले पनि आवश्यक तयारी गरिसकेका छन् ।’
गत चैतदेखि लाइसेन्सको लिखित तथा प्रयोगात्मक परीक्षा सञ्चालन नहुँदा करिव पाँच लाखभन्दा धेरै सेवाग्राही प्रभावित हुदैं आइराखेका छन् । समाचार आजको नागरिक दैनिकमा छापिएको छ ।