ओखलढुंगामा पहिलो पटक एक जनामा कोरोना संक्रमण पुष्टी
असार, ओखलढुङ्गा – ओखलढुङ्गामा पहिलो पटक एक जनामा कोरोना संक्रमण पुष्टी भएको छ । लिखु गाउँपपालिकाका एक जनामा पहिलोपटक कोरोना पोजेटिभ देखिएको हो ।
भारतबाट लिखु गाउँपालिकामा आएका २८ वर्षीय युवामा कोरोना पुष्टि भएको हो । पीसीआर परीक्षण गर्दा ती युवाको पोजेटिभ रिपोर्ट आएको स्वास्थ्य कार्यालय रुम्जाटारका प्रमुख सुमन तिवारीले जानकारी दिए ।
पीसीआर रिपोर्ट आएका ६ मध्ये एकजनाको पोजेटिभ रिपोर्ट आएको हो । यसअघि ओखलढुङ्गा जिल्लाका कसैलाई कोरोना संक्रमण देखिएको थिएन ।