पूर्वयुवराज्ञी हिमानी शाह छोरीहरु संग टिकटक भिडियो

काठमाण्डौ – पुर्व राजा ज्ञानेन्द्र शाहका परिवारलाई हामिले सामाजिक सञ्जालमा कमै देख्न पाइन्छ । तर पछिल्लो समय भने पुर्व राजा ज्ञानेन्द्र शाहका नातिनीहरु सामाजिक सञ्जालमा निकै देखिन्छन् । पूर्वयुवराज्ञी हिमानी शाहकी पुर्णिका शाह पनि सामाजिक सञ्जालमा सक्रिय हुन थालेकी छिन् ।

केही समयदेखी उनले सामाजिक सञ्जालमा आफ्ना कुराहरु पोष्ट गर्दै आइरहेकी छिन् । यस्तै हालै शाह परिवारको एक टिकटक भिडियो सामाजिक सञ्जालमा निकै भाइरल बनेको छ ।

हालै सार्वजनिक टिकटक भिडियोमा हिमानी शाहलाई पनि टिकटकमा नाच्दै गरेको देखिएको छ । उक्त टिकटक भिडियोमा हिमानी आफ्नी छोरिहरुसँग नाचेकी छिन् । आमा हिमानीसँगको उक्त टिकटक भिडियो छोरी पुर्णिकाले आफ्नो टिकटक आईडिमा हालेकी  छिन् ।

पूर्णिका शाहको अकाउन्टबाट अपलोड भएको यो भिडियो केही घण्टामै भाइरल बनेको हो। पूर्णिकाले केही दिनअघि मात्रै आफ्नै टिकटक अकाउन्ट बनाएकी हुन्। उनको अकाउन्टबाट ६ वटा भिडियो पोस्ट भएका छन्। पूर्णिकाले भिडियोको क्याप्सनमा लेखेकी छन्, ‘यो डान्स स्टेप हामीले आमाबाट पाएका हौं।

हामीसँग साँच्चै गजबकी आमा हुनुहुन्छ।’ नृत्यमा कमेन्टमा सबैले उनीहरूको सुन्दरता र नृत्यको प्रंशसा गरेका छन्। हिमानीका श्रीमान् पारस शाहले पनि सो भिडियो ‘मेरो परिवार’ भन्दै लभ रियाक्टसहित फेसबुकमा सेयर गरेका छन्। टिकटकमा यो भिडियो करिब ५० हजारले लाइक गरेका छन्।

हिमानी र उनका छोरा हृदयेन्द्रसहित दुवै छोरी अहिले थाइल्यान्डमा छन्। उच्च शिक्षा अध्ययनका लागि त्यहाँ रहेका छोराछोरीलाई भेट्न गएकी हिमानी लकडाउनले उतै अड्केकी छन् । टिकटकमा २ छोरीहरु संगै हिमानीले गायक सबिन राईको गीत ‘गुरासको फेदमुनी’मा ताल मिलाउदै नाचेकी छिन् ।