पल शाहले चलचित्र प्राविधिकलाई पाँच लाख सहयोग
तामसालिङ खबर
चैत्र, काठमाडौं – नायक पल शाहले लकडाउनले कामविहीन भएका चलचित्र प्राविधिकहरुलाई आर्थिक सहयोग गर्ने घोषणा गरेका छन् । उनले प्राविधिकहरुलाई ५ लाख सहयोग गर्ने घोषणा गरेका हुन् ।
नायक शाहले आफ्नो फेसबुक पेजमा लेखेका छन्, ‘विपन्न तथा आर्थिक स्थिति कमजोर रहेका प्राविधिक तथा सहयोगीहरुको जनजीवन सहज बनाउनको लागि मैले सहयोगको घोषणा गर्दछु । मेरो व्यक्तिगत तर्फबाट पहिलो चरणमा ५ लाख रुपैयाँ सहयोग गर्नेछु ।’
विश्वभर महामारीको रुपमा फैलिएको कोरोनाबाट सरकाले लकडाउनमा घोषणा गरेको छ । लकडाउनका कारण चलचित्रसँग सम्बन्धित काम रोकिएका छन् । यस्तो अवस्थामा चलचित्र सँग सम्बन्धित दैनिक काम गरेर गुजारा चलाउने प्राविधिकहरुलाई संकट परिरहेको छ ।
उनीहरुको सहयोगका लागि चलचित्रकर्मीहरु जुटेका छन् । यसअघि चलचित्र छक्का पञ्जा टिमले प्राविधिकहरुलाई १ लाख १० हजार रुपैयाँ सहयोगको घोषणा गरेको छ ।
यो पनि पढ्नुहोस्
