फिल्म ‘२ नम्बरी’ फ्लोरमा
तामसालिङ खबर
फाल्गुन, हेटौडा – नेपाली चलचित्र ‘२ नम्बरी’ को छायाँकन सुरु भएको छ । ३५ दिने सेड्युलमा सुरु भएको छायाँकन पोखराको रमणीय स्थानहरुमा हुने निर्माण पक्षले जनाएको छ । दीपेन्द्र लामाको निर्देशनमा तयार हुने फिल्ममा दयाहाङ राई, भुटानी नायिका उगेन छोदेनको मुख्य अभिनय रहेको छ ।
उगेन भुटानी फिल्म क्षेत्रमा नायिका, निर्मात्री तथा निर्देशक समेत रहेकी उनि २ नम्बरीबाट नेपाली नेपालमा अभिनय यात्राको थालनी गर्दैछिन् । त्यस्तै अर्को कलाकार नायक पल शाह र नायिका वर्षा राउतको समेत अभिनय रहेको छ ।
दया र पल पहिलो पटक स्क्रिनमा संगै देखिदै छन् । यसमा यी दुइ मित्रको भूमिकामा निर्वाह गर्दैछन् । रेड बर्ड प्रोडक्शन र आरआर फिल्म प्रोडक्शनको ब्यानरमा निर्माण हुन लागेको फिल्ममा कार्यकारी निर्माताको रुपमा रत्न श्रेष्ठ छन् । किरण नेपालीको प्रस्तुतिमा तयार हुन लागेको फिल्ममा रोहित कट्टेल र सरोज नेपाली निर्माताको रुपमा छन् भने अमलादेवी राई सह–निर्माताको रुपमा छन् ।
फिल्ममा सुशन प्रजापतिको छायांकन, रामजी लामिछानेको कोरियोग्राफी रहनेछ । चलचित्र निर्माता संघले कोरोना त्रासका कारण चलचित्रको छायांकन रोक्न आग्रह गरेपनि निर्माताहरुले भने छायांकन भने रोकेका छैनन् । २ नम्बरी सँगै ‘परदेशी २, ए मेरो हजुर ४’ को छायांकनरत छन् ।
