सोनाम ल्होछार सास्कृतिक कार्यक्रममा बुद्ध लामा हेटौडाको जातेमा आउने

माघ ३, हेटौडा – तामाङ समुदायको सास्कृतिक पर्व २८५६ जीवा ल्हो/मुसा बर्ग सोनाम ल्होछारको सास्कृतिक कार्यक्रममा नेपाल आइडलको पहिलो बिजेता बुद्ध लामा हेटौडा आउने भएका छन ।

हेटौडा उपमहानगरपालिका वडा नम्बर १५ स्थित जाते फुटबल चौरमा यही माघ १७ गते हुने साँस्कृतिक कार्यक्रममा उनी सहित डान्स इन्डिया डान्सका सेकेण्ड रनरअफ सुजन मार्फा तामाङ, गायक तथा संगीतकार प्रकाश तामाङ, गायिका बिमला थिङ लगायत स्थानीय कलाकारहरुको प्रस्तुति रहने कार्यक्रम संयोजक हर्क रत्न लामाले बताए ।

हर्करत्न लामाको संयोजकत्वमा ५१ सदस्यीय मुल समारोह समिती गठन गरिएको भेलामा आर्थिक संयोजक श्याम भोलन, प्रचार–प्रसार संयोजक बाबुराम वाईबा, कलाकार व्यवस्थापन हिरा लो, स्वयंसेवक व्यवस्थापन उज्वल वाईबा, मन्च तथा र्याली व्यवस्थापन हरि रुम्बा लगायतको उपसमिति गठन गरिएको छ ।