नदी पहाड र मन्दिरकै नाममा प्रदेश बनाउने भए किन संघीयता भन्नुपर्यो ?
तामसालिङ खबर
पुस १७, काठमाडौं – नेकपाले प्रदेश नं ३ को नाम बाग्मती प्रदेश राख्ने निर्णय गरेपछि पहिचानसहितको संघीयता पक्षधर आदिवासी जनजातिहरुले विरोध गरिरहेका छन् । स्वयम् नेकपाकै कतिपय सांसदहरुले प्रदेशसभाको क्षेत्राधिकार मिचेर अलोकतान्त्रिक ढंगले पार्टीले निर्णय गरेको भन्दै विरोध गरेका छन् ।
त्यस्तै, समाजवादी पार्टीका संघीय परिषद् अध्यक्ष तथा पूर्वप्रधानमन्त्री डा. बाबुराम भट्टराईले पनि नदीको नाममा प्रदेश नामाकरण गर्ने दिशामा हिडेको नेकपाप्रति कडा व्यंग्य हानेका छन् । उनले पञ्चायतकालकै जस्तो नदी, पहाड र मन्दिरको पहिचानको आधारमा प्रदेश बनाउने भए संघीयता किन भन्नुपर्यो भन्दै प्रश्न गरेका छन् ।
भट्टराईले ट्वीट गर्दै भनेका छन्, ‘उही पञ्चायतकालकै नदी, पहाड र मन्दिरको पहिचानको आधारमा प्रदेश बनाउने भए संघीयता किन भन्नुपर्यो ? स्टालिनकालमा झै पार्टीका केन्द्रीय मुखियाले सबै निर्णय गर्ने भए जनताको जनवाद वा २१ औं शताब्दीको जनवाद किन भन्नुपर्यो ? अलिकति विवेक र स्वाभिमान बाँकी छ भने नेकपाका कणहरुले मम भनून् ।’
उही पंचायतकालकै नदी,पहाड र मन्दीरको पहिचानका आधारमा प्रदेश बनाउने भए ‘संघीयता’ किन भन्नुपर्यो? स्टालीनकालमा झैं पार्टीका केन्द्रीय मुखियाले सबै निर्णय गर्ने भए ‘’जनताको जनवाद’ वा ‘२१औं शताब्दीको जनवाद’किन भन्नुपर्यो? अलिकति विवेक र स्वाभिमान बाँकी छ भने नेकपाका कणहरूले मम: भनून्! https://t.co/ib7qQmfBn8
— Baburam Bhattarai (@brb1954) December 31, 2019
यो पनि पढ्नुहोस्
