नीरफुलको प्रदर्शन मिति तोकियो
तामसालिङ खबर
पुस १, काठमाडौं – संचारकर्मी फूलमान वलद्वारा निर्देशित नेपाली चलचित्र ‘नीरफूल’ को नया रिलिज डेट तय भएको छ । चलचित्र आउँदो फागुन ३० गते देखि रिलिज हुने तय भएको निर्देशक वलले बताउनुभयो । भुकम्पका कारण विछोडिएका एक परिवारको प्रेमकथा आधारित फिल्म गणेश हिमाल क्षेत्रमा पर्ने रुबी भ्याली र काठमाडौंमा छायांकन गरिएको छ ।
चलचित्रमा दयाहाङ राई, रेखा थापा, शान्ति वाइबा, बुद्धि तामाङ (हैट), पुष्कर गुरुङ, जिम्मे छ्योइकी घिसिङ, राजन खतिवडा, सरोज अर्याल, सरिता गिरी, सन्तोष लामा,विजय लामा लगायतको कलाकारहरुको मुख्य अभिनय रहेको छ ।
चलचित्रको पटकथा निर्देशक वल र सचिन घिमिरेले लेख्नुभएको हो । फ्रेण्ड्स अफ नेपाल–म्यान्मार फ्रेन्डसिप काउन्सिल संगको सहकार्यमा सेलो प्रोडक्शनले निर्माण गरेको फिल्मको कार्यकारी निर्माता भने डोमा सोनाम रहेको छ । प्रमोद कार्कीको छायांकन रहेको यस फिल्ममा अर्जुन पोखरेलको संगीत रहेको छ ।
