हेटौडा (इन्द्रसरोबर) – मकवानपुरको उत्तरी क्षेत्र इन्द्रसरोवर गाउँपालिका वडा नम्बर ३ सिस्नेरीमा बोलेरो दुर्घटना हुँदा एकजनाको मृत्यु भएको छ । वीरगञ्जबाट काठमाडौंतर्फ गइरहेको बा २० च ४२७९ नम्बरको बोलेरो गाडी दुर्घटना हुँदा भारतीय नागरिक ४५ वर्षिय कनैया साहको घटना स्थलमै मृत्यु भएको प्रहरीले जनाएको छ । बिहान करिब साँढे ३ बजे बोलेरो सिस्नेरीमा सडकबाट करिब एक सय मिटर तल खसेको बताइएको छ । दुर्घटनामा अन्य दुई जना घाइतेहरुलाइ काठमाडौंमा उपचार भइरहेको प्रहरीले जनाएको छ ।