हेटौडा – मकवानपुरमा खुला रुपमा बिक्री हुने अप्रशोधित दुग्ध बिक्री गर्न नपाइने भएको छ । जिल्ला प्रशासन कार्यालय मकवानपुरले खुल्ला रुपमा अप्रशोधित दुग्ध विक्री तथा वितरणमा रोक लगाएको हो । दुग्ध तथा दूधजन्य पदार्थको गुणस्तर निर्देशिका २०७५ अनुसार मकवानपुरमा यहि वैशाख १३ गते बिहिबारबाट अप्रशोधित दुग्ध बिक्री गर्न नपाइने भएको हो । जिल्ला प्रशासन कार्यालयमा दुग्ध बिक्री वितरण गर्ने सरोकारवालासँग बसेको बैठकमा भएको निर्णय अनुसार प्रशासनले कदम चालेको हो । निर्देशिका २०७५ मा दूध प्रशोधन गरी उत्पादन मिति, उपभोग मिति, मूल्य र लेवलसहित आवश्यक जानकारीलगायत प्याकेजिङमा उल्लेखित दूधमात्र बिक्री...