पुस, हेटौडा (मनहरी) – स्टक प्रमाणित भएको भन्दा बढी परिमाणको ग्रेबल थुपारिएको पाइएपछि मनहरी गाउँपालिकाले गाउँपालिकाभित्रका डेढदर्जन क्रसर उद्योग तथा बालुवा प्रशोधन उद्योगहरुलाई जरिबाना गर्दै राजश्व असुली गर्ने निर्णय गरेको छ । गाउँ कार्यपालिकाको बुधवार भएको बैठकले जिल्ला समन्वय समिति मकवानपुरको निर्देशन बमोजिम राजश्व संकलन गर्ने निर्णय गरेको हो । प्रति घनमिटर ६७.५० रुपियाँका दरले राजश्व संकलन हुने गरेकोले सोही रकम बराबरको जरिबाना तिर्न व्यवसायीहरु पनि सहमत भएपछि जरिबाना गर्ने निर्णय गरिएको अध्यक्ष एकराज उप्रेतीले बताउनुभयो । कूल १ लाख ८२ हजार घनमिटर ग्रेबलबापतको जरिबाना १ करोड २४ लाख...