मनहरी – मनहरी गाउँपालिकामा सञ्चालित विभिन्न योजनाहरुका बारेमा जिल्ला समन्वय समिति मकवानपुरले अनुगमन गरेको छ । जिल्ला समन्वय समितिका प्रमुख रघुनाथ खुलाल, उपप्रमुख भगवती पुडासैनी, प्राविधिक तथा प्रशासनिक कर्मचारीहरुले गाउँपालिकाभित्र सञ्चालन भएका योजनाहरुको अनुगमन गरेका हुन् । मनहरी गाउँपालिका वडा नं ६ को प्रतापपुर जाने बाटोमा निर्माणाधीन पक्की पुलको अनुगमन गरिएको छ । त्यसैगरी मनहरी गाउँपालिका ७ मा मनहरी उपभोक्ता समितिले निर्माण गरिरहेको सामुदायिक लजको अनुगमन भएको छ । मनहरी ७ स्थित मनकामना मन्दिर परिसरमा निर्माणाधीन कम्पाउण्ड तथा रिभरसाइडमा निर्माणाधीन तटबन्धनको समेत अनुगमन टोलीले अनुगमन गरेको छ । वडा...