चलचित्र ‘छक्का पञ्जा २’ युट्युबमा रिलिज

असोज ७, हेटौडा – सुपरहिट नेपाल चलचित्र “छक्का पञ्जा २” युट्युबमा रिलिज गरिएको छ । दुई बर्षको पर्खाइपछि फिल्मलाई युटुबमा रिलिज गरिएको हो । २ बर्ष अघिको दशैमा रिलिज गरिएको थियो । फिल्मलाई हाइटालइट्स नेपालको आफिसियल च्यानल मार्फत रिलिज गरिएको छ ।

युटुबमा दर्शकले फिल्मको तारिफ गरेका छन, केहि दर्शकले युटुबमा ढिलो हालिएकोमा गुनासो ब्यक्त गरेका छन । रिलिजको १५ घण्टा बित्दा फिल्मले ८ लाख भन्दा बढी भ्युज पाउदै ट्रेण्डिङमा समेत परेको छ ।

दीपाश्री निरौलाको निर्देशनमा तयार फिल्ममा दीपकराज गिरी, जितु नेपाल, केदार घिमिरे, शिवहरी पौडेल, प्रियंका कार्की, स्वस्तिमा खड्का, बुद्धि तामाङ, वर्षा राउत लगायतको अभिनय रहेको छ ।