हेटौँडा ९ मा टोलविकास संस्था स्तरीय सेभेन ए साईड फुटबल प्रतियोगिता
तामसालिङ खबर
असोज ६, हेटौडा – मकवानपुरको हेटौँडा उपमहानगरपालिका वडा नम्बर ९ मा मंगलबार देखि टोल विकास संस्था स्तरीय सेभेन ए साईड फुटबल प्रतियोगिता हुने भएको छ ।
आउँदै गरेको विजया दशमी तथा दिपावली र छठ पर्वको उपलक्ष्यमा शुभकामना समेत आदानप्रदान गर्ने उदेश्य सहित प्रतियोगिताको आयोजना गर्न लागिएको हो ।
मकवानपुर बेरोजगार युवा संगठन र टोल विकास संस्था वडा समन्वय समितिको संयुक्त आयोजनामा तथा ९ नम्बर वडाको सहयोगमा प्रतियोगिता गर्न थालिएको मकवानपुर बेरोजगार युवा संगठनका अध्यक्ष सुरेश बेरोजगारले जानकारी दिए ।
प्रतियोगितामा २५ वटा टिमले सहभागिता जनाउने आयोजकले जानकारी दिएको छ । नकआउटको आधारमा खेलाईने प्रतियोगिताको मंगलबार दिउँसो १ बजे हेटौँडा उपमहानगरपालिकाका मेयर हरिबहादुर महतले उदघाटन गर्ने कार्यक्रम तय भएको छ ।
हेटौँडा औद्योगिक क्षेत्रको खेल मैदानमा हुने प्रतियोगिताको उदघाटन खेलमा धर्मपथ बंगलामुखी र शान्ति चोक भिड्नेछन् । प्रतियोगिताको विजेताले २५ हजार नगद र उपविजेताले १५ हजार नगदसहित शिल्ड र प्रमाणपत्र पाउनेछन् ।
यो पनि पढ्नुहोस्
