क्युएफएक्समा सर्वाधिक शोज कब्जा गर्दै ‘कबड्डी कबड्डी कबड्डी’को अग्रिम बुकिङ खुल्यो
तामसालिङ खबर
भदौ ३१, हेटौडा – बहुप्रतिक्षित नेपाली कथानक चलचित्र ‘कबड्डी कबड्डी कबड्डी’को मंगलबार मल्टीप्लेक्स हलहरुमा अग्रिम बुकिङ खुला गरिएको छ । असोज ३ गते देखि देशभर रिलिज हुने चलचित्र वर्षकै प्रतिक्षित सिनेमालाई मल्टीप्लेक्सले सर्वाधिक शो उपलब्ध गराएका छन् ।
देशैभरका मल्टीप्लेक्समा चलचित्रको अग्रिम बुकिङ खोलिने क्रममा छ । सिनेमाले देशव्यापी सय बढी शोज पाउने अनुमान छ । भने, यो साताले ‘कबड्डी कबड्डी कबड्डी’ले ८० प्रतिशत बढी हल कब्जा गर्ने अनुमान गरेको छ ।
त्यस्तै, देशकै ठुलो मल्टीप्लेक्स च्यानल क्युएफएक्सले मात्रै आफ्ना ९ स्टेशनमा ६४ शोज दिएको छ । जसमा राजधानीका ५ स्टेशनमा ३७ शोज छन् । राजधानीमा क्युएफएक्सले नेपाली सिनेमालाई दिएको यो शोज संख्या अत्याधिक हो । यसअघि ‘छक्का पन्जा ३’ले ३१ शो पाएको थियो ।
‘कबड्डी ३’ले पाएको शोज अनुसार बक्स अफिसमा बम्पर ओपनिङको आशा गरिएको छ । रामबाबु गुरुङ निर्देशित सिनेमामा दयाहाङ राई, उपासना सिंह ठकुरी, विल्सन विक्रम राई, कर्मा शाक्य, बुद्धि तामाङ, माओत्से गुरुङ, विजय बराल, रिश्मा गुरुङ, लुनिभा तुलाधर, कमलमणी नेपाल, अरुणा कार्कीलगायतका कलाकारको अभिनय छ ।
निर्देशक गुरुङ र उपेन्द्र सुब्बाले लेखेको कथामा सिनेमा आर्टको प्रस्तुतिसँग बाँसुरी फिल्मस् र माउन्टेन स्टोरिजले सहकार्य गरेको छ ।
ट्रेलर हेर्नुहोस –
