म्युजीक भिडियो ‘तिम्रो शहर’को ट्रेलर रिलिज

भदौ २७, हेटौडा – निशान (कश्यप) घिमिरेको निर्देशनमा कथालाई केन्द्र बिन्दुमा राखेर निर्माण गरिएको म्युजिक भिडियो ‘तिम्रो शहर’ को ट्रेलर रिलिज भएको छ । वर्तमानमा फिल्मको छनक दिने खालका कथा समेटिएका म्युजिक भिडियोहरु निर्माण हुन थालेका छन् ।

भिडियो सम्पादनबाट निर्देशनमा होमिएका घिमिरेले केही समय अगाडि देखि स्टोरी वेस्ड भिडियोहरु निर्देशन गर्दै आएका छन् । उनकै निर्देशन रहेको ‘तिम्रो शहर’ बोलको गीतको भिडियो ट्रेलर सार्वजनिक भएको छ जुन ट्रेलर हेर्दा कुनै फिल्मको ट्रेलर हेरेको भान हुन्छ ।

गायक सन्तोस कालिकोटेको स्वर, यमन सुवेदीको शब्द तथा मनोजराज सिवाकोटीको संगीत रहेको गीतको क्राइम स्टोरी वेस्ड एक्सन ट्रेलर सार्वजनिक भएको हो ।

भिडियोमा अभिनेता अमिर गौतम, चर्चित छायाँकार हरि हुमागाई, मोडल सुशिला थापा, भिडियो निर्देशक युवराज वाइबा, लोमस पौडेल तथा नारायण घिमिरेको अभिनय देख्न सकिन्छ । भिडियोमा उत्तम हुमागाईको छायांकन, बिकास दाहालको सम्पादन र शंकर महर्जनको एक्सन देख्न सकिन्छ ।

भिडियो ट्रेलर हेर्नुहोस –