‘पासवर्ड’को प्रिमियरमा, नेपाल आइन् सन्नी लियोनी

भदौ २७, हेटौडा – नेपाली सिनेमा ‘पासवर्ड’ को प्रमियर प्रदर्शनमा अभिनेत्री सन्नी लियोनी नेपाल आएकी छिन । सिनेमा पासवर्डमा ‘नाम मेरो सन्नी’ बोलको गीतमा उनले अभिनय गरेको छ । यो गीतलाई यूट्युबमा ४० लाखभन्दा बढी पटक हेरिसकेको छ ।

फिल्ममा उनको अभिनय पनि रहेको निर्माण टिमले बताएको छ । नेपाल सबैभन्दा मनपर्ने देश बताउने उनले पहिलो पटक नेपाली फिल्ममा काम गरेकी हुन् । उनी यो फिल्मलाई लिएर निकै उत्साहित छिन् । अभिनेत्री सन्नीले ‘पासवर्ड’ को गीतमा नृत्य गर्न नेपाली तीन करोड पारिश्रमिक बुझेको चर्चा छ ।

यस गीतको छायांकनका लागि उनी डान्स कोरियोग्राफर विष्णु देवालाई साथमा दिएर भारतबाट लण्डन पुगेकी थिइन् । गीत यूट्युबमा सार्वजनिक भएपछि उनले ट्वीटरमार्फत् नेपाली फिल्मको हिस्सा बन्न पाएकोमा गर्व महशुस भएको बताएकी थिइन् ।