युरो कप छनौट खेलमा रोनाल्डोको ह्याट्रिक

एजेन्सी – युरो कप छनोट खेलमा लगातार दोश्रो जित निकाल्ने क्रममा पोर्चुगलले लिथुवानियालाई ५-१ को फरकिलो गोल अन्तरले पराजित गरेको छ ।

मंगलबार राति भएको खेलमा पोर्चुगलको जितमा रोनाल्डोले ह्याट्रिक सहित चार गोल गरे । पोर्चुगलको जितमा हिरो बनेका रोनाल्डोले ७ औ, ६१ औं, ६५, र ७६ औं मिनेटमा गोल गरे । यस्तै पोर्चुगलका विलियन काराभाल्होले खेलको अन्तिम मिनेटमा गोल गर्दै ५–१ को जित दिलाए ।

यो जितपछि पोर्चुगलको समुह बी मा चार खेलबाट ८ अंक भएको छ । मंगलबार भएका अन्य खेलहरुमा समूह एच अन्तर्गत फ्रान्सले एन्डोरालाई तीन शून्यले हराएको छ ।