हेटौडा भेट्रान्स क्लबलाई डक्टर डेनिमको जर्सी
तामसालिङ खबर
भदौ १९, हेटौडा – डक्टर डेनिम क्लोथिङ्ग मेन्स वेयर कपडा कम्पनीले एक बर्षको लागी हेटौडा भेट्रान्स कल्बलाई फुटबल खेल्ने जर्सी प्रदान गरेको छ ।
आज देखि बजारमा सार्बजानिक भएको जर्सी हेटौँडामा जारी जिल्ला लिग फुटबल प्रतियोगिताको अबसर पारेर आज कम्पनीको तर्फबाट हेटौडाको आधीकारीक बिक्रेता युनिक फेन्सीका संचालक सरोज चौलागाईले पहिलो चरणको लागी २० थान जर्सी सेट क्लबलाई हस्तान्तरण गरेको छ ।
जर्सी ग्रहण गर्नुहुदै हेटौडा भेट्रान्सको उपाध्यक्ष नबराज बज्रचार्यले डक्टर डेनिम क्लोथिङ् मेन्स वेयर कपडा कम्पनीलाई धन्यबाद दिदै जर्सी लगाएर खेल खेल्दा कम्पनीको प्रचार पनि हुने र आफुहरुलाई सहयोग पनि हुने भन्दै हेटौडा भेट्रान्सले आगामी दिनमा खेल्ने हरेक खेलमा डक्टर डेनिमकै जर्सी लगाएर खेल खेल्न आफ्नो क्लबका खेलाडीहरु तयार रहेको बताए ।
कम्पनीको तर्फबाट जर्सी हस्तान्तरण गर्दै चौलागाईले आगामी एक बर्ष भित्र क्लबले खेल्ने हरेक खेलमा जर्सी तथा अन्य सहयोग उपल्बध गराउन आफुहरुको प्रतिबद्धता रहेको ब्यक्त गरे ।
हेटौडा भेट्रान्सले आगामी असोजको पहिलो हप्ता चित्तवन र काठमाण्डौमा आयोजना हुने भेट्रान्स कप फुटबल खेलमा पनि यही कम्पनीको जर्सी लगाएर खेल खेल्ने बताएको छ ।
आज देखी देशैभर बजारमा आएको कम्पनीको हेटौडाको लागी राप्तीरोडमा रहेको युनिक फेन्सी र पारीजातपथमा रहेको यु टु फेन्सीले आधीकारीक बिक्री बितरण गर्ने जनाएको छ ।
यो पनि पढ्नुहोस्
