चलचित्र ‘पासवर्ड’ को ट्रेलर सार्वजनिक (भिडियो)

भदौ ८, हेटौडा – नेपाली चलचित्र ‘पासवर्ड’को ट्रेलर सार्वजनिक भएको छ । भदौ २७ गतेलाई रिलिज तोकिएको चलचित्रमा सम्राट बस्नेतको निर्देशन रहेको छ ।

आपराधिक कथामा आधारित चलचित्रको ट्रेलर अनुपविक्रम शाही, विक्रम जोशी, सन्नी लियोनी, बुद्धि तामाङ, रविन्द्र झा लगायत कलाकारहरुको अभिनय रहेको छ। बलिउड अभिनेत्री सन्नी लियोनीको इन्ट्री देखी नै चलचित्र चर्चामा छ ।

एबी इन्टरनेशनलको ब्यानरमा निर्मित चलचित्रमा अर्जुन पोखरेलको सङ्गीत, सम्राट बस्नेतकै एक्सन, अमर जीत सिंहको छायाङ्कन र सौरभ लामाको डिओपी छ भने निर्देशक बस्नेत र महेश दवाडीको पटकथा र सीमा गुरुङको कथा रहेको छ । चलचित्रको धेरै जसो भाग लन्डनमा छायाङ्कन भएको छ ।