चलचित्र पासवर्डको प्रिमियरमा सन्नी लियोनी नेपाल आउने

भदौ ७, हेटौडा – नेपाली कथानक चलचित्र पासवर्डको प्रिमियर सोमा वलिउडकी चर्चित अभिनेत्री सन्नि लियोनी नेपाल आउने भएकी छिन् ।

प्रदर्शन हुने चलचित्र ‘पासवर्ड’ को एक गीतमा नृत्य समेत गरेकी छिन् । निर्माण पक्षले जानकारी गराएअनुसार उनलाई महंगो पारिश्रमिक दिएर उक्त गीतमा नृत्य गराइएको थियो । यो गीतको सुटिङ लण्डनमा गरिएको थियो । आगामी सेप्टेम्बर ११ मा काठमाडौंमा हुने विशेष प्रिमियरमा सहभागी हुन नेपाल आउन लागेकी हुन् ।

सम्राट बस्नेतको निर्देशनमा निर्माण गरिएको यो चलचित्रमा अनुपबिक्रम शाहि, बिक्रम जोशी (विक्की), बुद्धि तामाङ, छुल्ठिम गुरुङ, बिक्रान्त बस्नेत, रबिन्द्र झा, प्रविण खतिवडा, लिशा सुनार, परि राना लगायतका कलाकारको मुख्य भूमिका रहेको छ ।