थपिए, यी कलाकार ‘प्रेमगीत ३’ मा

साउन २६, हेटौडा – दशैँ लगतै छायांकनमा शुरु हुने चलचित्र ‘प्रेमगीत ३’मा केही कलाकारहरु थप भएको छ । लक्ष्मी बर्देवा, माओत्से गुरुङ, जीवन भट्टराई, जीवन बराल, जोत्सना खत्री र शिशिर राणा फिल्ममा कलाकारको रुपमा थप भएको छ ।

चैत २८ मा रिलिज हुने फिल्ममा अभिनेता प्रदीप खड्काले तेस्रो पटक ‘प्रेम’ को भूमिका निभाउँदैछन् । यसपटक क्रिस्टिना गुरुङ ‘गीत’ बन्दैछिन् । २७ सय युवतीलाई उछिन्दै उनी ‘गीत’ को क्यारेक्टरका लागि छानिएकी थिइन् ।

प्रदीप र क्रिस्टिनासँगै मनिष राउत, शिव श्रेष्ठ, सुनिल थापा, अनुभव रेग्मी, प्रेम पुरी, सन्तोष सेनले पनि फिल्ममा अभिनय गर्दैछन् । चाँडै वर्कशप सुरु हुने फिल्ममा थप केही कलाकारको पनि प्रवेश भएको निर्माता सन्तोष सेनले जानकारी दिए ।