‘तिज आयो’ भन्दै आइन्, सञ्चारकर्मी कार्की दर्शक माझ (भिडियो)
तामसालिङ खबर
हेटौडा – नायिका अनु शाहलाई फिचरिङ गरिएको सञ्चारकर्मी रेश्मी कार्कीको पहिलो कोसेली ‘तीज आयो’ बोलको गीतको म्युजिक भिडियो सार्बजानिक भएको छ । संचारकर्मी कार्की र हेटौडाकी गायिका शोभा गौतमको स्वरमा सजिएको गीतलाइ ओएसआर डिजिटलको अफिसियल युट्युब च्यानल मार्फत सार्बजानिक गरिएको हो ।
गोविन्द गौतमको शब्द तथा विकास चौधरीको संगीत रहेको गीतको संगीत संयोजन भने उदयराज पौडेलले गरेका छन् । उषा मलाहाको निर्देशनमा रहेको गीतको भिडियोलाइ हरिनारायण चौधरीले छायांकन गरेका हुन् । गीतमा नेपालको संस्कृतीको जगेर्ना देखि, महिलाको घर माईतीको कुरा सम्म जोडिएको छ ।
दिनेश माङमुको कोरियोग्राफी गरेको भिडियोमा मन्दिल श्रेष्ठकोको सम्पादन रहेको छ । क्रियाशिल महिला पत्रकार समुह मकवानपुरकी अध्यक्ष समेत रहेकी कार्की ‘पहिलो प्रयासमा नै यति धेरै राम्रो रेस्पोन्स आएको छ एकदमै खुशी लागेको छ’, उनले भनिन् ।
भिडियो हेर्नुहोस :
