हेटौंडामा साईक्लिङ च्यालेन्ज हुने

हेटौडा – स्वाथ्यका लागि साईकल भन्ने मुल नाराका साथ साउन ४ गते हेटौडा राईर्डस क्लबले हेटौंडा कोरा साईक्लिङ् च्यालेन्ज गर्ने भएको छ । बिश्व साईकल यात्री पुस्कर शाहको आतिथ्यतामा साईक्लिङ च्यालेन्ज हुने भएको हो ।

५० किलोमिटरको यात्रा गरीने हेटौडा कोरा साईक्लिङ्ग च्यालेन्जमा भाग लिन जिल्ला बाहिरबाट साईकल यात्रीहरुको सहभागीता रहने समेत बताईएको छ । कार्यक्रममा बारा, पर्सा, उदयपुर, काठमाण्डौ, ललीतपुर, भक्तपुर, चित्तवन, कैलाली, धादिङ्ग लगायतका जिल्लाहरुबाट साईकल यात्रीहरु सहभागी हुने क्लबका अध्यक्ष बिकाश ताम्राकारले बताउनु भयो ।

जिल्लाका विभिन्न धार्मिक स्थलहरु चिनाउने लक्ष्यका साथ राखिएको कार्यक्रममा मकवानपुर लगायत विभिन्न जिल्लाका करिब १ सय ५० साईकल यात्रीहरुको सहभागीता रहने अध्यक्ष ताम्राकारले बताए ।