भानु जयन्तीको अवसरमा हेटौंडामा बाल कवि गोष्ठी
तामसालिङ खबर
हेटौडा – २०६ औं भानुजयन्तीको अवसरमा हेटौंडामा प्रतियोगितात्मक बाल कवि गोष्ठी आइतबार भएको छ । हेटौंडा – ४ को बाल उद्यान समिति अन्तर्गतको श्रृजनशील बाल क्लबले आयोजना गरेको कार्यक्रममा ३१ जना बालबालिका सहभागी थिए ।
प्रतियोगितामा जीएस निकेतनका निश्चल गौतम प्रथम, रोजिना अधिकारी दोस्रो, नवोदय शिशु सदनकी राधाकुमारी महतो तेस्रो र ब्रह्मदिक एकेडेमीकी अन्वश्ना कार्की सान्त्वना भएका थिए । प्रतियोगिताका बिजेताहरुलाई पुरस्कार र प्रमाणपत्र प्रदान गरिएको छ ।
बाल क्लबका अध्यक्ष प्रज्वल लामिछानेको अध्यक्षता भएको कार्यक्रममा हेटौंडा उपमहानगरपालिका ४ का वडा अध्यक्ष नवीन सिग्देलको प्रमुख आतिथ्यतामा भएको थियो ।
साहित्यकार शान्तिप्रिय वन्दना, शिक्षक विष्णुप्रसाद गौतम र शिक्षक देवराज शर्माले प्रतियोगितामा निर्णायकको भुमिका निर्वाह गरेका थिए । कार्यक्रममा बाल उद्यान समितिका अध्यक्ष गणेशकुमार श्रेष्ठ, श्रीराम दाहाल, लक्ष्मीभक्त घिसिङ, नामदेव न्यौपाने, दीपक गौतम लगायतले मन्तव्य व्यक्त गरेका थिए ।
यो पनि पढ्नुहोस्
