सार्क फिल्म फेस्टिभलमा स्वस्तिमाले जितिन्, ‘वेष्ट पफर्मर जुरी अवार्ड’

काठमाण्डौ – श्रीलंकामा आयोजना भएको ‘दी सार्क फिल्म फेस्टिभल-२०१९’ मा गत वर्ष प्रदर्शनमा आएको नेपाल चलचित्र ‘बुलबुल’ ले अवार्ड हात पारेको छ ।

चलचित्रमा जीवन्त अभिनय गरेकी अभिनेत्री स्वस्तिमा खड्काले फिल्म फेस्टिभलमा ‘वेष्ट पफर्मर जुरी अवार्ड-२०१९’ जितेकी छिन । अवार्ड जितेपछि उनले फेसबुकमार्फत् आफ्ना प्रशंसकसँग खुसी साटेकी छन् ।

स्वस्तिमाले फिल्मी करिअरमा पहिलो पटक अवार्ड जितेकी हुन् । उनले ‘सार्क फिल्म फेस्टिभल’ मा जितेको अवार्ड ‘बुलुबल’ टिमलाई समर्पित गर्न चाहने फेसबुकमा उल्लेख गरेकी छन् ।

अवार्ड जितेपछि उनले आफू निकै खुसी भएको प्रतिक्रिया दिएकी छन् । जुलाई २ देखि ७ सम्म भएको उक्त फिल्म फेस्टिभलमा सहभागी हुन उनी गएको हप्ता श्रीलंका पुगेकी थिइन् ।