एक्शन प्रधान चलचित्र ‘बज्र’ को ट्रेलर रिलिज
तामसालिङ खबर
हेटौडा – एक्शन प्रधान तामाङ चलचित्र ‘बज्र’ ट्रेलर रिलिज गरिएको छ । सर्लाही समूहको सातौँ प्रस्तुति रहेको चलचित्रको ट्रेलर जिग्मे मिडियाको अफिसियल युट्युब च्यानल मार्फत सोमबार सार्वजनिक गरिएको हो ।
जिम्बा फिल्मस् प्रोडक्सनको ब्यानरमा बनेको चलचित्रमा कृष्ण लामा, सङ्बो लामा, कृति स्याङ्तान, भूमि मोक्तान, पुसन लामा, दिनेश थोकर, तिर्थ लामा, सुनलाल वाईबा लगायतका कलाकारहरुको मुख्य अभिनय रहेको छ । कृष्ण लामाको कथा तथा लेखनमा तयार भएको चलचित्रलाई निमा लामा तामाङले निर्देशन गरेका हुन् ।
चलचित्रमा सङ्बो लामा, दिलकुमार घ्लान तामाङ, जगतबहादुर स्याङ्तान र मंगलीमाया स्याङ्तानले लगानी गरेका छन् । विश्वास भण्डारीको छायाँकन तथा सम्पादन रहेको चलचित्रमा सुरज श्रेष्ठको द्वन्द रहेको छ । चलचित्रलाई सूर्य लामाले कलरिङ गरेका छन् ।
चलचित्रका गीतहरु निमा लामा तामाङको शब्द तथा सगीतमा तयार भएको हो । गीतमा विशाल काल्तान, शुभ लामा र निर्मला घिसिङले आवाज दिएका छन् । चलचित्रमा सुनलाल वाईबाको कोरियोग्राफी रहेको छ ।
हेर्नुहोस् ट्रेलर–
