‘प्रेमगीत-३’ मा गीतको भूमिकामा छानिए, क्रिष्टिना गुरुङ
तामसालिङ खबर
काठमाडौं – आसुसेन फिल्मसबाट निर्माण हुन लागेको प्रेमगीत-३ को गीत पात्रमा क्रिष्टिना गुरुङ देखिने भएकी छन् । निर्माण पक्षले आह्वान गरेको अडिशनमा दुई हजार सात सय चौध जना प्रतिस्पर्धी मध्ये उत्कृष्ट २५ मा परेकी क्रिष्टिनाले अन्य २४ प्रतिस्पर्धीलाई पछि पार्दै ‘गीत’ पात्रको लागि छनौट भएकी हुन् ।
निर्माता सन्तोष सेनले ‘गीत’ पात्रको लागि क्रिष्टिना गुरुङलाई फाइनल गरिएको जानकारी गराउँदै फेसबुमा लेखेका छन्, ‘लामो समयको पर्खाई पश्चात सबै चलचित्रप्रेमीहरुको कौतुहलता मेटिएको बताए । ‘गीत’ पात्रको रुपमा क्रिष्टिना गुरुङ फाइनल भएसँगै फिल्मको सबै मुख्य कलाकारहरु फाइनल भइसकेका निर्माता सेनले जनाएका छन् ।
करिब ४ करोडको लागतमा निर्माण हुने ‘प्रेमगीत–३’ को छायांकन दशैं लगतै गरिने बताएको छ ।’ यसै वर्षको चैत २८ गतेबाट दर्शकमाझ रिलिजमा आउँदै गरेको यस फिल्मलाई निर्माता तथा कलाकार सन्तोष सेन र छेतेन गुरुङले संयुक्त रुपमा निर्देशन गर्दैछन् । आसुसेन फिल्मसको ब्यानरमा बन्दै गरेको ‘प्रेमगीत–३’ सन्तोष सेनको पाँचौं प्रोजेक्ट हो ।
आसुसेन फिल्मस प्रोडक्सनको ब्यानरमा निर्मित २०७२ सालमा चर्चित बनेको फिल्म ’प्रेमगीत’ र यसका मुख्य पात्र ’प्रेम र गीत’ले दर्शक माझ राम्रो छाप बनाएको थियो । सोही चलचित्र प्रेमगीतले दर्शकको मन जित्न सफल भएको थियो ।
