कुन्ताबजारमा मोटरसाईकल दुर्घटना हुदा एकको मृत्यु

काभ्रे – काभ्रेको मन्डनदेउपुर नगरपालिका वडा नम्बर ७ कुन्ताबजारमा सवारी दुर्घट्ना हुँदा एकजनाको मृत्यु भएको छ ।

मृत्युहुनेमा चौरीदेउराली गाउपालिका वडा नम्बर ८ घर भई मण्डनदेउपुर कुन्ताबेसीमा ग्रील पसलमा काम गर्ने बर्ष २५ को मोटरसाईकल चालक सचिन माझी रहेको छ ।

कुन्ताबजारको भित्री सडक खण्ड स्थित नगरपालिका कार्यालय अगाडी कुन्ताबाट रानीटार तर्फ जादै गरेको बा .२१ प. ८२८० नं.को मोटरसाईकल आफै अनियन्त्रीत भई पल्टीदा बिपरीत दिशा तर्फ आउदै गरेको बा.३ ख. ९०३० नं.को निशान गाडीले माझीलाई ठक्कर दिंदा मृत्यु भएको जिल्ला प्रहरी कार्यालय काभ्रेले जानकारी दिएको छ । उनको घटनास्थलमै मृत्यु भएको प्रहरीले जनाएको छ ।