अभयाको आक्रोश, थाहै नदिइ भ्वाइसबाट निकालिएको खुलासा
तामसालिङ खबर
काठमाडौं – गायिका अभया सुब्बाले आफूलाई थाहै नदिइ भ्वाईस अफ नेपाल सिजन २ बाट निकालिएको खुलासा गरेकी छन् । आफ्नो ब्यान्डको आधिकारिक युट्युब च्यानलमार्फत उनले यसको जानकारी दिएकी हुन् । भ्वाइस अफ नेपालमा जसले धेरै मेहनत गर्यो उसैलाई निकालिएको भन्दै अभयाले दुख पोखेकी छन् ।
भ्वाईस अफ नेपालका निर्देशक लक्ष्मण पौडेलले एक अभया सुब्बा कार्यक्रमको ग्रान्ड फिनालेमा सहभागी नभएपछि हेडक्वार्टरले नै असन्तुष्टि जनाएको र आफूहरुले उनको विकल्प खोज्नुपरेको बताएका थिए । फिनालेमा उपस्थित नहुनेबारे आफूले तीन महिना अघि देखि नै व्यवस्थापनलाई जानकारी दिएको र उनीहरुले नै आफूलाई मेलबर्नमा कन्सर्टका लागि जान अनुमती दिएको अभयाले बताएकी छन् ।
यसको पुष्टी गर्न एक स्क्रिनसट पनि सार्वजनिक गरेकी छन् । आफ्नो अनुपस्थितीबारे ‘हेडक्वार्टर’ लाई जानकारी नगराउनु भ्वाईस कै गल्ती भएको उनको तर्क छ ।
